ચકલીનું બચ્ચુ

એકવાર ઘરનાં મુખ્ય વ્યકિતએ બધાને બોલાવી ખખડાવ્યા કે

"અહી અભરાઇ પર ચકલીનું બચ્ચુ કાલ સાંજ સુધી મે જીવતુ જોયુ અને આજે મરેલુ છે. કેમ ? "

બધા વિચારમાં પડી ગયા. કોઇએ એવુ કાંઇ કર્યું નહોતું .

છેવટે રહસ્ય બહાર આવ્યું.

દીદીએ કહયું કે બચ્ચુ ઇંડામાંથી બહાર નીકળવા પાંખો હલાવી કોશિશ કરતું હતું. મે ઇંડુ તોડી બહાર કાઢયું.

તો આ જ તેનાં મોતનું કારણ ....!

બચ્ચાને પાંખો ફફડાવવા દેવુ પડે, જેથી તેના શરીરમાંથી પ્રવાહી ઝરે અને તે હલકુ થાય અને પાંખો મજબુતાઇ પકડશે અને કોચલામાંથી બહાર નીકળી તે ઊડી શકશે. તમે મદદ કરી એટલે પાંખો ફફડાવ્યા વગરનું અપરીપકવ બચ્ચુ બહાર આવ્યુ ને મરી ગયું.

ઊડી શકવા પાંખો મજબૂત અને શરીર હલકુ અનિવાયઁ છે. 

કઇંક આવુ જ આપણા સૌનુ છે.

મોટે ભાગે માબાપ સંતાનોને સંઘર્ષથી દૂર રાખતા હોય છે.

સંતાનોને દરેક માબાપ બે વસ્તુ ભેટ આપે.

પરિશ્રમ અને સંઘર્ષ.

પાંખો ફફડાવવાની તક આપો.

આજે આપણે એવુ વિચારીએ કે આપણાં સંતાનને સહેજ પણ તકલીફ ન પડવી જોઇએ. યાદ રાખજો, આ વિચાર સંતાન માટે નુકશાનકારક છે .

સંતાન પછી કયાંથી શેકેલો પાપડ પણ ભાંગે !

*સુવિધાથી જ જો શિક્ષણ પ્રાપ્ત થતું હોત તો ઋષિમુની ઓ ના આશ્રમ જંગલમાં નહિ પરંતુ રાજાઓના મહેલમાં હોત...!!!!!*

44 - 66

શિક્ષક - તમારો બાબો ૧ થી ૧૦૦ એકડા બોલવાનું કવ તો ૪૫ પછી સીધું ૬૬ બોલે છે.

વાલી - મે ઈ ડોબા ને કેટલી વાર કહ્યું ૪૫ પછી ૪૬ ન આવે.

પણ.... 

જે વખત તમે શીખવાડતા હતા ત્યારે ૪૫ પછી નેટવર્ક વયું ગયું અને ફરી આવ્યું ત્યારે તમે ૬૬ પોહચી ગયા હતા. 

તો હવે એ કહે છે, મારા સાહેબ એ આમ જ શીખવાડ્યું છે. 

ઓનલાઇન માં તો ડખ્ખા વાળું છે ...હોં ...આમા તો આવુ રેવા નુ...!

RIP એટલે શું?

RIP એટલે શું ? ?

કોઈ ના મૃત્યુ ના સમાચાર ની સાથે બધાં જ સોસિયલ નેટવર્ક માં " *RIP* " શબ્દ નો
ખુબજ ઉપયોગ કરે છે ...

What is Rest in Peace ( RIP ) ?

આજકાલ કોઈના નિધન પછી RIP લખવાની જાણે ફેશન ચાલી છે.

વિદેશીઓની આંધળી નકલ કરવામાં આપણે આપણી સંસ્કૃતિ ની ઘોર ખોદી રહ્યા છીએ એવું લાગે છે મને.

RIP શબ્દનો અર્થ છે
Rest in Peace"
(શાંતિથી આરામ કરો)

આ શબ્દ એમના માટે છે જેને કબરમાં દફનાવ્યા હોય.

ઇસાઈ અને મુસ્લિમ માન્યતા મુજબ
‘Judgement Day’
કે
"क़यामत का दिन"
આવે ત્યારે આ મૃતકો કબરમાંથી પુનર્જીવિત થશે.

એટલે એમના માટે કયામત ના દિવસ સુધી શાંતિથી આરામ કરો એમ કહેવાય છે.

પરંતુ હિંદુ સનાતન ધર્મની માન્યતા મુજબ આત્મા અમર છે , ને શરીર નશ્વર છે.
એટલે શરીરનો અગ્નિસંસ્કાર થાય છે.

માટે હિંદુ વિચારધારા મુજબ
*"Rest in Peace"* નો સવાલ જ નથી આવતો,
કારણ કે આત્મા એક શરીર છોડીને તેના કર્મફળ અનુસાર બીજા શરીર માં પ્રવેશે છે.

એ આત્માને આગળની યાત્રા માટે સારી ગતિ *(સદગતી)* પ્રાપ્ત થાય તે માટે જ શ્રાદ્ધ કર્મની પ્રથા રહેલી છે.

મિત્રો,
હિંદુ જીવાત્મા માટે
*‘શ્રદ્ધાંજલિ’*
or
‘આત્માને સદગતી પ્રાપ્ત થાય’  અર્થાત મોક્ષ પ્રાપ્તિ
જેવા વાક્યો નો પ્રયોગ યથાર્થ ગણાશે,
જયારે મુસ્લિમ કે ઈસાઈ માટે *RIP* લખી શકાય.

ક્ષમા સહ.......

Were are you going

ક્યાં જઇ રહ્યા છો? આત્મહત્યા કરવા?
ના રે ના, તમે તો જઇ રહ્યા છો તમારા પર મુકેલા ભરોસાની હત્યા કરવા.

તમે જેને અંત માનો છો ને? એ તો આરંભ છે તમારા પરિવાર માટે રીબાઇ રીબાઇને મરવાનો.

પથ્થરોના ટુકડાઓમાંથી ચમક ઓછી થઇ ગઇ તો શું થયું?
તમારા બાળકની આંખમામ તો એવી ને એવી જ ચમક છે
– તમે ઘસી ઘસીને હીરા ચમકાવતા હતા ને? એવી જ.

રૂપિયાની ખનક સંભળાતી બંધ થઇ તો શું થયું?
તમારી દીકરીનો ટહૂકો હજી એવો ને એવો જ મીઠ્ઠો છે
– તમે જન્મદિવસ પર અપાવેલી ઝાંઝરીના રણકાર જેવો જ.

કાગળોમાં રોકેલો વિષ્વાસ પીળો પડી ગયો તો શું થયું?
તમારી પત્નીની આંખોમાં છલકાતો વિષ્વાસ હજુયે અકબંધ છે.
– વીંટીંમાં જડેલા સાચ્ચા મોતીની સફેદી જેવો જ.

કાલથી કામ પર નહીં આવતા, એવું ખેતરે કોઇને ય કહ્યાનું
તમને યાદ છે?
સાંજે થાકીને પાછા ફરેલા પંખીને ઝાડવાએ બેસવાની ના પાડી હોય,
એવું તમને યાદ છે?
તમારી દસ પેઢીમાંય કોઇએ આત્મહત્યા કરી હોય,
એવુ તમને યાદ છે?

ગાઢ અંધારૂ છે એ ય સાચું –
ઝાંખો પ્રકાશ છે એ ય સાચું.
પણ એથી કાંઇ આમ દાઝ કરીને ટમટમતા દીવાને થોડો ઓલવી નાખવાનો હોય?

આવે ટાણે જ તો સંકોરવાની હોય સમજણની શગને,
અને પુરવાનું હોય થોડીક ધીરજનું તેલ.
બાકી સવાર તો આવી જ સમજો…

ટેરવેથી મળવાનું નહીં ફાવે

*અમે તો રહ્યાં હથેળીના માણહ,*
ટેરવેથી મળવાનું નહીં ફાવે.

*ભીની આંખે ભેટી લેશું,*
અમને સાવ ઠાલું મરકવું નહીં ફાવે.

*ખુલ્લા દિલે ખખડાવી દેશું,*
બાકી રૂસણાં -મનામણાં નહીં ફાવે.

*હકથી લેશું દુઃખડાં દોસ્તનાં,*
એમાં પાછળ રહેવાનું નહીં ફાવે.

*સાથે રહીને સુખ વહેંચશું,*
એક્લતાનું સ્વર્ગ સાલું નહીં ફાવે,

*મૈત્રીની મહેક સહજ ફેલાવશું,*
વચન -વાયદા નહીં ફાવે...!!!

🐇🐇🐇🐇🐇🐇🐇🐇🐇🐇🐇🐇🐇🐇

ઝાપટુ આવ્યુ
અચાનક યાદનુ,

               ઠેઠ અંદર સુધી
                પલળી ગયો હું

વાદળની બુંદોએ તો
માટીને મહેકતી કરી દીધી,
            
             પણ દિલની યાદોએ તો
        પાં૫ણોને વહેતી કરી દીધી..

પુછશે ઘરે કે
કેમ પલળ્યા હતા?
કહીશુ, રસ્તામાં
ભાઇબંધ મળ્યાં હતા..

...વ્હાલા મિત્રોને અર્પણ.

હમેશાં સારા બનો

               પૂનમ પછીના દિવસે એક ભિખારી એક સજ્જન શેઠની દુકાને ભીખ માગવા પહોચ્યો ! સજ્જન શેઠે ભિખારીને ૫ રૂપિયા આપ્યા | ભિખારીને તરસ લાગી હતી તેથી તેણે સજ્જન શેઠ પાસે પાણી માંગ્યું અને કહ્યું શેઠ ગળું સુકાય છે પાણી પીવડાવો અને સજ્જન શેઠે પિત્તો ગુમાવી કહ્યું તારા બાપના નોકર બેઠા છે તો અહીંયા પહેલા પૈસા પછી પાણી થોડી વાર પછી ખાવાનું માંગશે. નીકળ અહીંથી ભાગ !                        

ભિખારી બોલ્યો -  શેઠ ગુસ્સે ના થશો પાણી બીજે કયાંક પી લઈશ. પણ મને યાદ છે કે કાલે પૂનમના દિવસે તમારી દુકાન પાસે તમે શરબત ની સેવાનો કેમ્પ લગાવી બેઠા હતા અને તમે પોતે પ્રેમથી આગ્રહપૂર્વક લોકોને શરબત પીવડાવતા હતા મને પણ આપે બે ગ્લાસ શરબત પીવડાવ્યો હતો. તો મે વિચાર્યુ કે શેઠ બહું દયાળુ અને ધાર્મિક માણસ છે પણ આજે મારો એ ભ્રમ તુટી ગયો કાલે શરબતની પરબ લોકોને દેખાડવા માટે કરી હતી આજે મને કડવા વચન કહી તમે તમારું કાલનું પુણ્ય ખોઈ નાખ્યું. મને ક્ષમા કરજો કાંઈ વધારે બોલાઈ ગયું હોય તો...                       

સજ્જન શેઠ ને લાગી આવ્યું અને ગઈકાલ નું દ્રશ્ય સામે તરવરવા લાગ્યું અને પોતાની ભૂલનો અહેસાસ થયો પોતે ગાદી પરથી ઉતરી પોતાના હાથે ગ્લાસ પાણી ભરી ભિખારીને પીવડાવી ક્ષમા પ્રાર્થના કરવા લાગ્યા.                       

ભિખારી -- શેઠ મને કોઈ ફરીયાદ નથી પણ જો માનવતાને પોતાના મનની ઉંડાણમાં વસાવી ના શકીએ તો એક બે દિવસના પુણ્ય વ્યર્થ છે. માનવતાનો મતલબ હમેશાં સરળતાથી નિરાભિમાની બની જીવોની સેવા કરવી હોય છે. આપને આપની ભૂલનો અહેસાસ થયો તે તમારા અને તમારા સંતાનો માટે સારી વાત છે. આપનું અને આપના સંતાનોનું હમેશાં સ્વાસ્થ્ય સારું દીર્ધાયુ બની રહે તેવી મંગલકામના કરું છું.
કહી ભિખારી આગળ નીકળી ગયો.                                 

શેઠે તરત પોતાના પુત્રોને આદેશ કરી કહ્યું કાલથી બે મોટા ઘડા પાણી ભરીને દુકાન આગળ મુકવા જેથી આવવા જવા વાળાને પાણી પીવા મળે. શેઠને પોતાની ભૂલ સુધારવા માટે ખુશી થઈ રહી હતી.                               

ભાવાર્થ-- ફક્ત દેખાડો કરવા માટે કરવામાં આવતા દાનપુણ્યકર્મ નિષ્ફળ ગણાય છે. દરેક પ્રાણી માત્ર માટે તમારા મનમાં શુભકામના શુભભાવ હોય તો જ સાચું પુણ્ય મળે છે. પ્રસંગોપાત સારા બનો છો તેવા સદા બની રહો. હમેશાં સારા બનો તમને સારા જ મળશે.

ચોકીદાર

🌹ચોકીદાર 🌹

ચોકીદાર કેવો હોય તે ઇતિહાસના પાનાઓ પર સુવર્ણાક્ષરે અંકિત થયેલો પ્રસંગ જરૂરથી યાદ કરવો પડે... રાજાશાહીના સમયગાળામાં ભાવનગર સ્ટેટમાં " મુબારક " નામનો એક ચોકીદાર ની નોકરી કરતો હતો. મુબારકની ઈમાનદારી ઉપર ભાવનગરના પ્રજાવત્સલ્ય રાજવી ને એટલો ભરોસો કે નિલમબાગ પેલેસના રાજખજાનાની ચાવીઓ પણ મુબારક પાસે જ રાખવાની.....
મુબારક પાસે જે રાજખજાનાની ચાવીઓ રહેતી એમાં મહારાણીના મોંઘા ઘરેણાં પણ રહેતા , મહારાણીને જયારે પ્રસંગોપાત ઘરેણાં જોઈતા હોય ત્યારે મુબારક ચાવીઓ આપે એટલે મહારાણી તેમાંથી જોઈતા ઘરેણાં લઇ લે અને પછી ફરીથી એજ પટારાઓ ઘરેણાં મૂકીને ચાવીઓ મુબારકને સોંપી દે, આ નિત્યક્રમ હતો, આજ ઘરેણાંઓમાં મહારાણીને સૌથી પ્રિય એવો હીરાજડિત હાર પણ રહેલો હતો,
એક વખત એવું બન્યું કે પટારામાં એ હાર જોવા ના મળ્યો , મહારાણીએ ખુબ શોધ્યો પણ હાર મળે જ નહિ... મહારાણી ને મુબારક પર અપાર ભરોસો હતો તેમ છતાંય નાનો માણસ છે ભૂલ નહિ કરી હોય ને એવા વિચારોથી બેચેન રહેવા લાગ્યાં .... થોડા સમય પછી મહારાણીની બેચેની ભાવનગર મહારાજથી છુપી ના રહી. કારણ પૂછવામાં આવ્યું ત્યારે રાજહઠ સામે મહારાણીએ હાર અંગે આખી વાત કરી, ભાવનગર મહારાજાએ તરત જ આદેશ કર્યો કે મુબારકને રાજદરબારમાં હાજર કરો. નિલમબાગ પેલેસની ચોકીદારી કરતો મુબારક જયારે ભાવનગર ઠાકોર સાહેબ સમક્ષ હાજર થયો ત્યારે હાર અંગે પ્રેમથી મુબારકને પૂછવામાં આવ્યું ત્યારે મુબારક એ આ અંગે સાવ અજાણ હોવાનું જણાવ્યું... ભાવનગર મહારાજા એ પણ મુબારકને કોઈ ઠબકો આપ્યા વગર જવા દીધો ... પરંતુ મુબારક હારની ચોરીના લાગેલા " આણ " થી બેચેન બની ગયો. સીધો જ ઘરે ગયો અને નમાજનો રૂમાલ પાથરી આકાશ તરફ મીટ માંડીને અલ્લાતાલાને એક જ અરજ કરી કે " જો મેં ઈમાનદારી પૂર્વક નોકરી કરી હોય અને ક્યારેય હું ઈમાન ચુક્યો ના હોય તો ક્યાં તો ચોરીના આ આણ માંથી મુક્ત કરાવજે ને ક્યાં તો મને મારા શરીરથી જીવને " બસ આટલો જ અંતરનો પોકાર કરીને ઘરના એક ખૂણામાં બેસીને પ્રાર્થના કરવા લાગ્યો અને અન્ન જળનો ત્યાગ કરી દીધો....
કુદરતનો પણ એક સર્વસ્વીકૃત નિયમ છે... " સત્યની કસોટી થાય પણ છેવટે જીતતો સત્યની જ થાય " એજ રાત્રે અચાનક મહારાણીને ગાઢ નિંદ્રામાંથી અચાનક જ એકાએક બેઠા થઇ ગયા ને યાદ આવી ગયું કે ઉતાવળમાં હાર પેટારામાં મુક્યો જ નહોતો પણ અરીસા પાસે રાખી દીધો હતો.... તરત જ તપાસ કરતા હાર મળી આવ્યો... રાત્રે જ ભાવનગર મહારાજને હાર મળી ગયાની જાણ કરવામાં આવી. બંનેને ખુબ પસ્તાવો થયો કે " મુબારક પર ખોટી શંકા કરી એક નેક ઈન્શાનનો આત્મો દુભાવ્યો " સવારે મુબારકને નિલમબાગ પેલેસના રાજદરબારમાં બોલાવવામાં આવ્યો અને હાર મળી ગયા ની જાણ કરી અને આત્મો દુભાયો હોય તો માફી માગી ...
હાર મળી ગયો છે એ વાતની ખબર પડતાં જ મુબારકના જાણે જીવમાં જીવ આવ્યો હોય એમ " આકાશ ભણી મીટ માંડીને સજળ નયને એટલું જ બોલ્યો કે " હે પરવર દિગાર તે આજ મારી ઇજ્જત બચાવી લીધી " બસ આટલું કહીને મુબારકે રાજખજાનાની ચાવીઓ ભાવનગર મહારાજાને સોંપી દીધી ... ભાવનગર મહારાજાએ ખુબ આગ્રહ કર્યો ત્યારે માંડ મુબારક ફરીથી " ચોકીદાર " તરીકે નોકરીએ રહેવા સહમત થયો ... વર્ષો સુધી મુબારક નિલમબાગ પેલેસની ચોકીદારી કરતો રહ્યો .. મુબારક ની ઈમાનદારી - વફાદારી અને કર્તવ્ય નિષ્ઠા પર કોઈ શક ન કરી શકે એવી છાપ અને ધાક મુબારકની ભાવનગર રાજમાં વર્તાતી ...
વર્ષો બાદ એક દિવસ ભાવનગર મહારાજને સમાચાર મળ્યા કે " નિલમબાગ પેલેસનો ચોકીદાર " મુબારક " આજ અલ્લાહને પ્યારો થઇ ગયો છે ... મહારાજાને પણ આંખે આંસુ આવી ગયા .. પોતાના સેવકોને આદેશ કર્યો કે " મુબારક " નો જનાજો નીકળે ત્યારે મને જાણ કરજો મારે મારા મુબારકને અંતિમ વિદાય અને કાંધ આપવા જવું છે...
મુબારકના મૃત્યુને કલાકો વીતવા છતાં મુબારકના જનાજાના સમાચાર ના મળતા ભાવનગર મહારાજા એ તપાસ કરાવવા માણસોને મોકલ્યા ત્યારે ખબર પડી કે મુબારકને જનાજામાં ઓઢાડવાનું  કફન ખરીદવાના પણ મુબારકના પરિવાર પાસે પૈસા નથી... ભાવનગર મહારાજા આટલું સાંભળતા જ ચોધાર આંસુએ રડી પડ્યા કે " નિલમબાગ પેલેસના રાજ ખજાનાની ચાવીઓ " જેને હસ્તક રહેતી એવા મારા મુબારકની આવી હાલત ? તરત જ ભાવનગર મહારાજાએ હુકમ કર્યો કે " ભાવનગર રાજને શોભે એ રીતે મુબારકની અંતિમવિધિ કરવામાં આવે અને મુબારકના પરિવારને તમામ મદદ કરવામાં આવે " અને મુબારકની આવી હાલત કેમ થઇ એની તપાસ કરતા માલુમ પડ્યું કે મુબારકને જે પગાર મળતો તે જરૂરિયાતમંદને મદદ કરવામાં ખર્ચી નાખતો.
નીલમબાગના ચોકીદાર " મુબારક " નો જનાજો નીકળ્યો ત્યારે ભાવનગરના મહારાજા એ એક ઈચ્છા વ્યક્ત કરી ને એ ઈચ્છા પુરી પણ કરી કે " મારા મુબારક ને તમે જરૂર કાંધ દેજો પણ એક કાંધ તો હું શરૂઆતથી અંત સુધી હું જ આપીશ " ભાવનગર મહારાજ મુબારકના ઘરથી કબ્રસ્તાન સુધી ઉઘાડા પગે ચાલ્યા હતા અને કાંધ દીધી હતી... આજે પણ ભાવનગરના મુસ્લિમ કબ્રસ્તાનમાં " મુબારક " ની કબર છે અને  ભાવનગરના મહારાજા એ મુબારકની કબર પર કબરનું નામ કોતરાવ્યું છે " ધ લોક ઓફ નિલમબાગ "

બહુ ભીનુ થવું નહીં કારણકે નીચોવનારા તૈયાર બેઠા છે

👉 વીતી જશે આ સમય પણ. બસ ધીરજ રાખો સાહેબ,
સુખ ના ટકી શક્યું તો, દુઃખની શુ ઔકાત છે.
  
   
◆●◆●◆●◆●●●◆

👉  ખુશ રહેવાનો મતલબ એ નથી કે તકલીફ નથી,
એનો મતલબ એ છે કે તમે તકલીફથી આગળ વધવાનો નિર્ણય કરી લીધો છે !!
 
◆●◆●◆●◆●◆●◆

👉  ગમી જઈએ છીએ આપણે ઘણાને
એ પણ ગમતું નથી ઘણાને....
   
◆●◆●◆●◆●◆●◆

👉  દિવા નું પોતાનું કોઇ ઘર નથી હોતું..
જયાં મુકો ત્યાં અજવાળું કરે છે..!
   
◆●◆●◆●◆●◆●◆

👉  જિંદગી ત્યારે સફળ ગણાય
જયારે તમારો પરિચય તમારે ના આપવો પડે...!
     
◆●◆●◆●◆●◆●◆

👉  ઉંમર સાથે કંઈ લેવા-દેવા નથી
એકબીજા ના વિચારો મળે ત્યાં જ દોસ્તી થાય છે...
   
◆●◆●◆●◆●◆●◆

👉  હીરા પારખું કરતાં...
પીડા પારખુંનું સ્થાન ઉંચુ છે.
     
◆●◆●◆●◆●◆●◆

👉  ઓવરટેક કરવામાં થોડું ધ્યાન રાખજો સાહેબ,
સૌથી આગળ ક્યાંક એકલું ના થઇ જવાય !!
     
◆●◆●◆●◆●◆●◆

👉  હક વગર નું લેવાનું મન થાય છે, ત્યારે મહાભારત નુ સર્જન થાય છે......
પરંતુ હકનું હોય છતાં પણ છોડી દેવામાં આવે છે ત્યારે રામાયણનું સર્જન થાય છે.......
     
◆●◆●◆●◆●◆●◆

👉  નાટક માં સૌથી અઘરું પાત્ર મુર્ખનું હોય છે.... અને
તે ભજવનાર બહુ જ હોંશિયાર હોય છે...
    
◆●◆●◆●◆●◆●◆

👉  શબ્દો તો હંમેશા સંવેદનાથી છલોછલ હોય છે
તેમને
છંછેડવા
છેતરવા
છાવરવા
છુપાવવા કે
છલકાવવા
એ નક્કી આપણે કરવાનું !
    
◆●◆●◆●◆●◆●◆

👉  આપણે માફ તો વારંવાર કરી દઈએ છીએ,
પણ ભરોસો તો એક જ વાર કરીએ છીએ !!
  
◆●◆●◆●◆●◆●◆

👉  કેમ કરીને રહી શકાય ફુટપટીમાં,
ઈચ્છાઓ તો હંમેશા માપ બહારની હોય છે...
    
◆●◆●◆●◆●◆●◆

👉  દુનિયામાં જો કોઈ સમયસર
આવતું હોય તો તે ખુદ સમય છે,
પછી તે સારો હોય કે ખરાબ ||
   
◆●◆●◆●◆●◆●◆●

👉  'ખોવાઇ' ગયેલી વ્યકિત મળી શકે, પણ
'બદલાઇ' ગયેલી વ્યકિત ક્યારેય મળતી નથી.
    
◆●◆●◆●◆●◆●◆

👉  'અભિમાન' અને 'પેટ' જ્યારે વધે છે
ત્યારે 'વ્યકિત' ની ઇચ્છા હોવા
છતાં પણ બીજાને ભેટી નથી શકતો.
  
◆●◆●◆●◆●◆●◆

👉  જબરી ચીજ બનાવી છે ધન,
મોટા ભાગનાનુ ભેગુ કરવામા જ નિધન થઈ જાય છે..
   
◆●◆●◆●◆●◆●◆

👉  એકલા ચાલવું આમ તો અઘરું નથી,
પણ કોઈની સાથે ચાલ્યા પછી
એકલા
પાછા ફરવું એ ખુબ જ અઘરું છે !!
   
    ◆●◆●◆●◆●◆

👉  બહુ ભીનુ થવું નહીં
           કારણકે
નીચોવનારા તૈયાર બેઠા છે

  ◆●◆●◆●◆●◆●◆●

👉  સાહેબ જીવનની સાચી મજા તો ભોળા લોકો જ લે છે,
       બાકી લુચ્ચાઓને તો બોલવા માટે પણ પ્લાન કરવો પડે છે.

  ●◆●◆●◆●◆●◆●◆

👉  એક ભાઈએ પૂછ્યું સાહેબ જમાનો શાનો છે,
          મેં ગંભીર હાસ્ય સાથે કહ્યું ફોટા નો અને ખોટાનો.

  ◆●◆●◆●◆●◆●◆●

👉  સમડી ની ઉડવાની ઝડપ જોઇને ચકલી
    ક્યારેય ડિપ્રેશનમાં આવતી નથી.

◆●◆●◆●◆●◆●◆●

👉  અરીસો છે આ જિંદગી દોસ્ત, તુ હસ જિંદગી પણ હસવા લાગશે.

  ◆●◆●◆●◆●◆●◆●

👉  જ્યારે હજારો સપના તૂટી જાય ને સાહેબ,
      ત્યારે તેને જીવિત કરવા માટે બે જ વ્યક્તિ મળે છે.
                મા અને બાપ

◆●◆●◆●◆●◆●◆●

👉  આપણે બાળપણમાં પરચુરણ લઈને ચોકલેટ ખાવા જતા હતા
            અને
હવે પરચુરણ ના લીધે ચોકલેટ ખાવી પડે છે.
      સાહેબ સમય સમય ની વાત છે.

◆●◆●◆●◆●◆●◆●

👉  રાખવી પડે છે લાગણીઓને દિલમાં દબાવીને, સાહેબ
      એ (લાગણીઓનો) દરિયો જો તોફાને ચડે ને તો ઘણાને લઇને ડૂબે છે

◆●◆●◆●◆●◆●◆●

👉  પીઠ હંમેશા મજબૂત રાખવી, સાહેબ
કેમ કે
શાબાશી અને દગો તેની પાછળ જ મળે.

◆●◆●◆●◆●◆●◆●

👉  જીવનમાં જો કોઈ ખરાબ અનુભવ થાય તો, ધીરજ રાખજે દોસ્ત,
કેમ કે રડીને હસવાની મજા જ કંઈક અલગ હોય છે.

◆●◆●◆●◆●◆●◆●

👉  ઘણૂ અઘરૂ છે દોસ્ત એ વ્યક્તિને સમજવું,
    જે વ્યક્તિ બધું જ જાણતો હોય પણ કંઈ જ બોલતો ન હોય.

◆●◆●◆●◆●◆●◆●
    
👉  દરેક ભૂલ Sorry બોલવાથી માફ થતી નથી, અમુક ભૂલો ના તો પરિણામ પણ ભોગવવા પડે છે

  ◆●◆●◆●◆●◆●◆

👉  માણસ એક જ કારણથી એકલો થાય છે,
    પોતાના ને છોડવા માટે પારકા ની સલાહ લે છે ત્યારે.

◆●◆●◆●◆●◆●◆●

👉  માણસની આંખો ને હંમેશા એ જ વ્યક્તિ ખોલી જાય છે, જેના પર તે આંખો બંધ કરીને વિશ્વાસ કરે છે.

  ◆●◆●◆●◆●◆●◆

👉  બીજાના મહેલમાં ગુલામ બનીને રહેવા કરતા,
પોતાની ઝૂંપડીમાં રાજા બનીને રહેવું વધારે સારું.
   ◆●◆●◆●◆●◆●

My best friend

Miss You yaar​

એક દિવસ આપણે બધા અલગ થઈ જશું.

દિવસો, મહીના, વર્ષો વીતી જશે.

આપણે એકબીજાને યાદ કરીશું.

વિતાવેલી પળો વાગોળીશું

પછી એક દિવસ આપણા છોકરાં આપણો ફોટો જોઇને પૂછશે..

આ કોણ છે.??

ત્યારે આપણા ચહેરા પર  આંસુ સાથે સ્મિત હશે અને આપણે કહીશું આ એ છે....

જેની સાથે મેં મારી જિંદગીની અણમોલ પળો વિતાવી છે..

આ તમારા અણમોલ મિત્રો. જેને તમે કોઈ દિવસ ભૂલવા નથી માંગતા..

Love.. You.. My best friend​

Tere jaisa yaar kaha​
Kaha aeisa yaarana

"No poison "

"No poison can kill positive thinker,

No medicine can cure negative thinker".

Thoughts grow only when they are fed.
Feed your positive thoughts... .✍

🙏 *Good Morning.....* 😊

ખાવાને હું માવો

*ધંધો છોડીને ચાલી નીકળ્યો ખાવાને હું માવો,*

દુકાને જઈને ઓર્ડર આપ્યો બનાવ બ્રધર માવો,

*એકસો પાંત્રીસ તમાકુ, સોપારીને કીમામ ખૂબ નખાવો,*

નાગરવેલનું પાન નહીં પણ પોલીથીનમાં લાવો,

*કામધંધામાં ચિત્ત ન ચોંટે હોય નહીં જો માવો,*

હથેળીમાં લઈને મસળી મેં તો ગલોફામાં ચડાવ્યો,

*મારી પિચકારી મેં તેથી કપડે ડાઘ લાગ્યા,*

કપડાં, પૈસા, શરીર બગડે લાખ ભલે સમજાવો.

*તોયે છોડી શકીશ નહીં હું રહીશ આવો ને આવો,*

માન્યો નહીં આ મૂરખ, જિંદગીભર ખાધે રાખ્યો માવો.

*શરીર ઘસાયું માંદો પડ્યો ડોકટર હવે બચાવો,*

ઓપરેશન આવે છે મોટું, નાણાં અઢળક લાવો.

*મિલકત, મકાન, ખેતર વેચ્યું થઈ ગયો છે બાવો,*

છોકરા રડતાં રડતાં બોલે કાં અમને તતડાવો?

*પાટી, ચોપડા, કપડાં લઈ દો પપ્પા અમને ભણાવો,*

બૈરી કહે વગર વાંકે કાં મુજને ધમકવો.

*કહેતી રહી હું આખું જીવન છોડી દો તમે માવો,*

ચકલા ખેતર ચણી ગયા છે થાય હવે પસ્તાવો.

*મિત્રો મારા ચેતી જજો સમય ન આવે આવો,*

વ્યસનના કચરાને કાઢી દીલમાં દીપ જલાવો.

🌹🙏🏻🌹🙏🏻🌹🙏🏻🌹🙏🏻🌹

*વ્યસનની લત જેને લાગી છે તેને કોઈ સજ્જન સાચી વાત સમજાવે અને છતાં પણ જો તે મૂકી ન શકે તો એક દ્રષ્ટિએ..*☺

  તેને તેનાં સંતાન, પરિવાર વગેરે કરતા પોતાનું વ્યસન વધારે વ્હાલું અને મહત્વનું માનેલ કહેવાય...😢

  *જો પોતાનાં સંતાનો અને સ્નેહીમાં સાચું હેત હોય તો મરદ નો કટકો થઈ વ્યસનનો ધા કરી દે...*💐

  હવે આ મોઢામાં કોઈપણ પ્રકારનું વ્યસન જાય તો હરામ બરોબર છે...

  *રામને માનનારો હરામનો ન હોય શકે...*

🇮🇳🇮🇳🇮🇳🇮🇳🇮🇳🇮🇳🇮🇳🇮🇳🇮🇳

  દુઃખની વાત એ છે કે, મરદ પોતાની મર્દાનગી માત્ર કોઈને ડરાવા ધમકવામાં જ બતાવે છે..  સાચો મરદ હોય તો તો ઝેર જેવા વ્યસનનો મરતા સુધી ત્યાગ કરી દે.. ભાઈ...

નિર્વ્યસની લોકો વ્યસનીના વ્યસન મુકાવવામાં મદદ કરો..

*સ્નેહ અને હૂંફ આપો.. વ્યસન છૂટતા વાર નહીં લાગે..*